اسلام آباد ۔پاکستان شنگھائی تعاون تنظیم کے سربراہی اجلاس کی میزبانی کے لیے تیار ہو گیا ہے، اور وفاقی دارالحکومت اسلام آباد کو مہمانوں کے استقبال کے لیے خوبصورتی سے سجایا گیا ہے۔فیض آباد سے راول چوک تک کی شاہراہ پر قالین بچھایا گیا ہے، جبکہ سڑک کے کنارے پھولوں کی بہار نے ماحول کو خوشگوار بنا دیا ہے۔ فٹ پاتھ اور انڈر پاسز کو بھی رنگ و روغن کر کے خوبصورت بنایا گیا ہے۔وزیراعظم نے سربراہان مملکت کے استقبال کی تیاریوں کا جائزہ لیا، جبکہ محسن نقوی اور دیگر حکام نے وزیراعظم کو انتظامات کے بارے میں بریفنگ دی۔
