ایران کا سلامتی کونسل کا ہنگامی اجلاس بلانے کا مطالبہ

ایران نے لبنان اور پورے خطے میں اسرائیلی اقدامات کے خلاف سلامتی کونسل کا ہنگامی اجلاس بلانے کا مطالبہ کیا ہے۔ اقوام متحدہ میں ایرانی مندوب عامر سعید اراوانی نے حسن نصراللہ کی شہادت کے بعد سلامتی کونسل کے پندرہ ارکان کو ایک خط لکھا، جس میں انہوں نے ایران کی سلامتی اور سفارتی نمائندوں کے خلاف کسی بھی حملے کے خلاف سخت وارننگ دی۔

ایرانی مندوب نے واضح کیا کہ ایران بین الاقوامی قوانین کے تحت اپنے قومی اور سیکیورٹی مفادات کے تحفظ کے لیے اپنا حق استعمال کرنے سے گریز نہیں کرے گا۔ یہ بیان ایران کی جانب سے خطے میں بڑھتی ہوئی کشیدگی کے تناظر میں سامنے آیا ہے، جہاں وہ اسرائیلی اقدامات کو تشویش ناک سمجھتا ہے۔