وانا،پنجگور۔پنجگور میں پولیس گشت پر مسلح افراد کے حملے میں سب انسپکٹر شہید ہوگیا۔ شب پنجگور کے علاقے چیتکان بازار میں مسلح افراد نے اچانک پولیس گشت پر فائرنگ کردی۔ واقعے میں ایک پولیس اہل کار شہید ہوگیا، جس کی شناخت سب انسپکٹر شکیل احمد کے نام سے ہوئی۔
وزیرستان میں ریموٹ کنٹرول بم دھماکے میں 6 پولیس اہل کاروں سمیت 10 افراد زخمی ہو گئے۔ ڈیوٹی کے لیے اہل کاروں کو لے جانے والی پولیس کی گاڑی کو جنوبی وزیرستان میں ریموٹ کنٹرول بم دھماکے سے نشانہ بنایا گیا، جس میں 6 پولیس اہل کاروں سمیت 10 افراد زخمی ہو گئے۔
دھماکے میں زخمی ہونے والے پولیس اہل کاروں میں اورنگزیب، محمد طاہر، کامران، عطا اللہ شامل ہیں جب کہ دیگر افراد میں سید اختر، امان اللہ، عابد، حبیب جان، نور خاتم اور نور سلام شامل ہیں۔
