ممبئی۔ بھارتی اداکارہ سونم باجوہ نے پیرس اولمپکس میں گولڈ میڈل جیتنے پر پاکستانی جیولین تھروئر ارشد ندیم کو مبارکباد دی ہے۔
سوشل میڈیا پر ارشد ندیم کی گولڈ میڈل جیتنے کے بعد کی گئی پوسٹ پر سونم باجوہ نے انہیں پنجابی زبان میں مبارکباد دیتے ہوئے کہا کہ “وادھیاں مبارکاں”۔ انہوں نے ارشد ندیم کی کامیابی کو سراہتے ہوئے کہا کہ یہ جیت آپ کے لیے بلکل درست ہے۔
سونم باجوہ کی پوسٹ تیزی سے وائرل ہوگئی۔ پاکستان اور بھارت میں موجود سونم باجوہ کے مداحوں کا کہنا ہے کہ ایسے مثبت اقدامات دونوں ممالک کے درمیان تناو¿ کو کم کرنے میں مددگار ثابت ہو سکتے ہیں۔
ارشد ندیم نے پیرس اولمپکس میں پاکستان کے لیے جیولین تھرو کے مقابلے میں گولڈ میڈل جیتا، اور وہ پاکستان کے ایسے پہلے کھلاڑی ہیں جنہوں نے انفرادی مقابلوں میں گولڈ میڈل حاصل کیا۔
ارشد ندیم کی تھرو نے اولمپکس میں نیا ریکارڈ بھی قائم کیا ہے۔ اس سے قبل پاکستان نے 1984 میں ہاکی کے میدان میں گولڈ میڈل جیتا تھا۔
