بورڈ آف کنٹرول فار کرکٹ ان انڈیا (بی سی سی آئی) 22 مارچ سے شروع ہونے والے انڈین پریمیئر لیگ (آئی پی ایل) 2025 کے دوران گیند پر تھوک لگانے کی پابندی ہٹانے پر غور کر رہا ہے۔
میڈیا رپورٹس کے مطابق بی سی سی آئی کے اندر اس تجویز پر وسیع پیمانے پر تبادلہ خیال کیا گیا ہے، اور امکان ہے کہ جمعرات کو ممبئی میں ہونے والے اجلاس کے دوران آئی پی ایل میں شامل تمام ٹیموں کے کپتانوں کو یہ تجویز پیش کی جائے گی۔
یہ بات قابل ذکر ہے کہ انٹرنیشنل کرکٹ کونسل (آئی سی سی) نے کووڈ-19 کے دوران احتیاطی تدابیر کے طور پر گیند کو چمکانے کے لیے تھوک لگانے پر پابندی عائد کر دی تھی، جسے بعد میں مستقل طور پر نافذ کر دیا گیا۔ تاہم، اب بی سی سی آئی اس پر نظرثانی کرنے پر غور کر رہا ہے۔
