اسلام آباد۔چینی قونصل جنرل یانگ یوڈونگ نے کہا ہے کہ پاکستان کی دہشت گردی کے خلاف جنگ میں مکمل حمایت کی جائے گی۔ انہوں نے یہ بھی کہا کہ پاکستان عالمی تعاون سے دہشت گردی پر قابو پانے میں کامیاب ہو سکتا ہے۔
اپنے بیان میں انہوں نے جعفر ایکسپریس پر ہونے والے حملے کی شدید مذمت کی اور مسافروں کو یرغمال بنانے کے واقعے کو قابل افسوس قرار دیا۔ انہوں نے حملے میں متاثر ہونے والے افراد اور ان کے اہل خانہ کے ساتھ گہری ہمدردی اور تعزیت کا اظہار کیا۔
چینی قونصل جنرل نے مزید کہا کہ قراقرم ہائی وے ری الائنمنٹ منصوبے پر اس سال پیشرفت ہوگی، اور 2025 سی پیک کی تکمیل کے حوالے سے ایک اہم سال ثابت ہوگا۔ ان کا کہنا تھا کہ دونوں ممالک کے عوام سی پیک کے ذریعے بھرپور فائدہ اٹھائیں گے اور دونوں ممالک کی مشترکہ کوششوں سے توقعات حقیقت میں بدل سکتی ہیں۔
