ناسا کے تازہ تجزیے سے یہ بات سامنے آئی ہے کہ دنیا کی سطح سمندر میں 2024 کے مقابلے میں کہیں زیادہ تیزی سے اور بڑی مقدار میں اضافہ ہوا ہے، جس کی بڑی وجہ گرم پانی کا درجہ حرارت ہے۔
مطالعے میں پایا گیا کہ اعداد و شمار کے مطابق سمندر کی سطح میں پچھلے سال 0.23 انچ کی شرح سے اضافہ ہوا، جو کہ متوقع 0.17 انچ سے زیادہ ہے۔
جنوبی کیلیفورنیا میں ناسا کی جیٹ پروپلشن لیبارٹری کے محقق جوش ولیس نے ایک پریس ریلیز میں کہا کہ ہر سال کی صورتحال مختلف ہو سکتی ہے، لیکن یہ واضح ہے کہ سمندر کی سطح میں اضافہ جاری ہے اور اس کی رفتار تیز ہو رہی ہے۔
تحقیقی رپورٹ میں یہ بھی بتایا گیا کہ تاریخی طور پر سطح سمندر میں تقریباً دو تہائی اضافہ برف کی چادروں اور گلیشیئرز کے پگھلنے کے باعث ہوا، جبکہ تیسری وجہ تھرمل ایکسپینشن ہے، جس کا مطلب ہے کہ سمندر کا درجہ حرارت بڑھنے سے پانی پھیلتا ہے۔
ناسا کے مطابق زمین کی بڑھتی ہوئی حرارت کا سبب بنیادی طور پر گرین ہاؤس گیسوں کا بڑھتا ہوا ذخیرہ ہے، اور یہ جذب ہونے والی 90 فیصد حرارت سمندروں میں جا کر جذب ہو جاتی ہے، جس کے نتیجے میں سمندر کا درجہ حرارت بڑھتا ہے اور سطح میں اضافہ ہوتا ہے۔
