بیجنگ۔چین نے بلوچستان کے علاقے میں ٹرین پر دہشت گردوں کے حملے اور مسافروں کے اغوا کی سخت الفاظ میں مذمت کی ہے اور اس واقعے پر گہری تشویش کا اظہار کیا ہے۔
عالمی خبر رساں اداروں کے مطابق چین کی وزارت خارجہ کی طرف سے جاری کیے گئے بیان میں ٹرین حملے میں قیمتی جانوں کے ضیاع پر افسوس کا اظہار کیا گیا ہے۔
بیان میں پاکستان کے ساتھ سیکیورٹی تعاون کو مزید مستحکم کرنے کی خواہش ظاہر کرتے ہوئے کہا گیا ہے کہ چین مشترکہ دہشت گردی کے خلاف جنگ میں اضافی تعاون فراہم کرنے کے لیے تیار ہے۔
چینی وزارت خارجہ کے بیان میں اس واقعے پر گہری تشویش کا اظہار کرتے ہوئے پاکستان کے ساتھ سیکیورٹی تعلقات کو مزید مستحکم کرنے کے لیے تعاون کی پیشکش کی گئی ہے تاکہ ایسے حملوں کا مقابلہ کیا جا سکے۔
یہ خبر بھی پڑھیں: جعفر ایکسپریس پر حملہ، سیکیورٹی فورسز کا آپریشن آخری مراحل میں، تمام دہشت گرد ہلاک ہو گئے۔
چین کے بیان میں مزید کہا گیا ہے کہ پاکستان کے ساتھ تمام دستیاب تعاون کے ذرائع استعمال کیے جائیں گے تاکہ دہشت گردی کے خلاف مؤثر اقدامات اٹھائے جا سکیں اور دونوں ممالک کی سیکیورٹی کو مزید مضبوط بنایا جا سکے۔
یاد رہے کہ پاک فوج کے جراتمند سپاہیوں نے بروقت کارروائی کرتے ہوئے ٹرین پر حملہ کرنے والے تمام دہشت گردوں کو ہلاک کر دیا اور 190 مسافروں کو بحفاظت بازیاب کرالیا۔
