معروف اداکارہ نمرہ خان نے سوشل میڈیا پر مداحوں کے سوالات کے جواب دیتے ہوئے اپنی دوسری شادی کے امکان کا اشارہ دیا ہے۔
نمرہ خان نے اپنی شاندار اداکاری کے ذریعے شوبز میں ایک منفرد مقام حاصل کیا ہے اور وہ سوشل میڈیا پر بھی مداحوں سے مسلسل رابطے میں رہتی ہیں۔
ان کی ذاتی زندگی بھی کسی سے پوشیدہ نہیں رہی۔ جب انہوں نے لاک ڈاؤن کے دوران خاموشی سے نکاح کیا تھا، تو مداحوں کو اس کی خبر بھی خود دی تھی۔
اپریل 2020 میں ہونے والی یہ شادی زیادہ عرصہ نہ چل سکی، اور ایک سال بعد نمرہ خان اور ان کے سابقہ شوہر کے درمیان علیحدگی ہو گئی۔
اب، انسٹاگرام پر ایک مداح کے سوال کے جواب میں نمرہ خان نے جلد دوسری شادی کرنے کا عندیہ دیا ہے، جس کے بعد سوشل میڈیا صارفین نے سوالات کی بوچھاڑ کر دی، خاص طور پر ان کے متوقع دلہا کے بارے میں جاننے کے لیے بےتاب نظر آئے۔
ایسا لگتا ہے کہ نمرہ خان نے اس معاملے میں ابھی سسپنس برقرار رکھنے کا فیصلہ کیا ہے، کیونکہ انہوں نے ان سوالات کو نظر انداز کر دیا۔
نمرہ خان کس سے شادی کرنے جا رہی ہیں؟ یہ جاننے کے لیے ان کے مداحوں کو مزید انتظار کرنا ہوگا۔
