اسلام آباد۔ڈپٹی وزیراعظم اسحاق ڈار کی صدارت میں ہونے والے ہائی پاور بورڈاجلاس میں سیکرٹری اطلاعات و نشریات عنبرین جان، ڈائریکٹر جنرل پوسٹ آفس سمیع اللہ خان ، ایڈیشنل سیکرٹری اسٹیبلشمنٹ ڈویژن ڈاکٹر محمد نواز،سمیت گیارہ افسران کو گریڈ 22 میں ترقی دینے کی منظوری دے دی گئی
ڈپٹی وزیراعظم اسحاق ڈار کی صدارت میں ہائی پاور بورڈ کے دوسرے مرحلے کا اجلاس گزشتہ روز منعقد ہوا، اجلاس میں انفارمیشن سروس گروپ، سیکرٹریٹ سروس گروپ، اکنامسٹ سروس ،آڈٹ اینڈ اکاونٹس سروس گروپ،ریلوےسروس گروپ، پوسٹل سروس گروپ کے گریڈ21 کے 11 افسران کو گریڈ 22 میں ترقی دینے کی منظوری دی گئی
ہائی پاور بورڈ اجلاس میں جن افسران کو ترقی دینے کی منظوری دی گئی ہے ان میں اکنامسٹ گروپ کے ڈاکٹر امتیاز احمد، ،سیکرٹری اطلاعات و نشریات و انفارمیشن سروس گروپ کی افسر عنبرین جان ، سیکرٹریٹ گروپ کے پا نچ افسران میں وفاقی سیکرٹری موسمیاتی تبدیلی عائشہ حمیرا چو ہدری، وفاقی سیکرٹری بین الصوبائی رابط ڈویژن ظہور احمد، ایڈیشنل سیکرٹری اسٹیبلشمنٹ ڈویژن ڈاکٹرنواز احمد، حماد شمیمی اور محمد ا سلم غور ی ، وفاقی سیکرٹری وزارت اور ریلوے سید مظہر ،آڈٹ اینڈ اکاونٹس سروس گروپ کے شہزاد حسن اور سید محمد عمار نقوی اور ڈائریکٹر جنرل پاکستان پوسٹ افس و پوسٹل سروس گروپ کے سمیع اللہ خان کو گریڈ 22 میں ترقی دی گئی، ان لینڈ ریونیو سروس گروپ اور کسٹم سروس گروپ کے افسران کی ترقیوں پر حکم امتناعی کے باعث کیس موخر کر دیا گیا۔
