اسلام آباد۔وفاقی وزیر سردار محمد یوسف نے وزارت مذہبی امور و بین المذاہب ہم آہنگی کا قلمدان سنبھال لیا،وفاقی وزیر سردار محمد یوسف وزارت مذہبی امور پہنچے جہاں پر ایڈیشنل سیکرٹری وزارت مذہبی امور سید عطاءالرحمٰن نے وفاقی وزیر کااستقبال کیا،وفاقی وزیر کو وزارت مذہبی امور، وزارت کے ذیلی اداروں اور حج تیاریوں سے متعلق تفصیلی بریفنگ دی گئی،وفاقی وزیر نے کہا کہ حجاج کرام اور زائرین کی فلاح و بہبود کیلئے اقدامات کرنا اولین ترجیح ہے،حجاج کرام کے مسائل کو حل کرنے اور بہتر سہولیات مہیا کرنے کے لیے تمام اقدامات کریں گے۔
