ایک حالیہ تحقیق میں انکشاف ہوا ہے کہ بالوں کی اسٹائلنگ کے لیے استعمال کی جانے والی کچھ مشہور مصنوعی مصنوعات میں کینسر پیدا کرنے والے مضر کیمیکلز اور سیسہ کی زیادہ مقدار پائی جا سکتی ہے۔
ماہرین نے 10 مختلف ہیئر پروڈکٹس کا تجزیہ کیا، جن میں میجک فنگرز، سینسیشنل اور شیک-این-گو جیسے بڑے پیمانے پر فروخت ہونے والے برانڈز شامل تھے۔
تحقیقی رپورٹ کے مطابق، ان مصنوعات میں بینزین پایا گیا، جو ایکیوٹ مائیلوڈ لیوکیمیا (خون کے کینسر) کا سبب بن سکتا ہے، جبکہ ان میں میتھیلین کلورائیڈ بھی موجود تھا، جو طویل مدتی استعمال کے نتیجے میں پھیپھڑوں اور جگر کے کینسر سے منسلک ہو سکتا ہے۔
یو ایس سینٹرز فار ڈیزیز کنٹرول اینڈ پریوینشن کی رپورٹ کے مطابق، جانچ کی گئی 10 میں سے 9 مصنوعات میں سیسہ بھی پایا گیا، جو بچوں کی نشوونما میں رکاوٹ اور بڑوں میں تولیدی مسائل کا سبب بن سکتا ہے۔
یہ بھی قابل ذکر ہے کہ یو ایس فوڈ اینڈ ڈرگ ایڈمنسٹریشن (FDA) نے کاسمیٹکس میں میتھیلین کلورائیڈ کے کسی بھی سطح پر استعمال کی اجازت نہیں دی۔
