اسلام آباد۔ڈسٹرکٹ اینڈ سیشن کورٹس اسلام آباد نے پی ٹی آئی کے کارکنان کے خلاف 26 نومبر کے احتجاج پر درج مقدمات میں تمام 22 ملزمان کی ضمانت کی درخواستیں مسترد کر دیں۔
جوڈیشل مجسٹریٹ شہزاد گوندل نے تمام دلائل مکمل ہونے کے بعد کل فیصلہ محفوظ کیا تھا، جو آج سنایا گیا۔
یہ فیصلہ پی ٹی آئی کے 22 کارکنان کی ضمانت بعد از گرفتاری کی درخواستوں کے حوالے سے سنایا گیا ہے، جنہیں اس وقت جوڈیشل ریمانڈ پر جیل بھیجا گیا ہے۔پی ٹی آئی کے کارکنان کے خلاف 26 نومبر کے احتجاج کے حوالے سے تھانہ رمنا میں مقدمہ درج کیا گیا تھا۔
