امریکا میں ایک شخص نے اپنے والد کو سالگرہ کے موقع پر تحفے میں دیے جانے والے لاٹری ٹکٹ سے 11 لاکھ ڈالر (تقریباً 30 کروڑ روپے) کا انعام جیت لیا۔
ریاست مشیگن کی میکومب کاؤنٹی سے تعلق رکھنے والے اس شخص نے بتایا کہ وہ عام طور پر لاٹری ٹکٹ نہیں خریدتے، لیکن جب بھی خریدتے ہیں تو ایک مخصوص جگہ سے خریدتے ہیں، جہاں سے ان کے والد ان کے بچپن میں ٹکٹ خریدا کرتے تھے۔
بیٹے نے اپنے والد کو سالگرہ کے موقع پر لاٹری کا ٹکٹ تحفے میں دیا، اور جب والد نے قرعہ اندازی کے بعد ٹکٹ چیک کیا، تو وہ جو دیکھ رہے تھے اس پر یقین کرنے کے لیے انہیں کئی بار ٹکٹ کو دوبارہ دیکھنا پڑا۔
والد اور بیٹے کا کہنا تھا کہ وہ اس جیتے ہوئے انعام سے واجبات کی ادائیگیاں کرنے اور اپنے کاروبار میں سرمایہ کاری کا ارادہ رکھتے ہیں۔
