سوشل میڈیا پلیٹ فارم ایکس کے سربراہ ایلون مسک اور دیگر سرمایہ کاروں کے ایک گروپ نے چیٹ جی پی ٹی کی مالک کمپنی، اوپن اے آئی، کو 97.4 ارب ڈالر میں خریدنے کی پیشکش کی ہے۔
نیویارک ٹائمز کے مطابق، یہ صورتحال ایلون مسک اور اوپن اے آئی کے سی ای او سیم آلٹمن کے درمیان مصنوعی ذہانت کے حوالے سے جاری برسوں پر محیط اختلافات میں شدت کا باعث بن سکتی ہے۔ اگرچہ دونوں شخصیات اوپن اے آئی کے شریک بانی تھے، لیکن اس وقت کمپنی کے بورڈ آف ڈائریکٹرز سیم آلٹمن کے مؤقف کی حمایت کر رہے ہیں۔
سیم آلٹمن نے اپنے سابقہ ساتھی کو ایکس (سابقہ ٹوئٹر) پر جواب دیتے ہوئے طنزیہ انداز میں کہا، “شکریہ، لیکن اگر آپ چاہیں تو ہم ٹوئٹر کو 9.74 ارب ڈالر میں خرید سکتے ہیں۔”
اس کے جواب میں ایلون مسک نے سیم آلٹمن کو “دھوکے باز” کہہ کر مخاطب کیا۔
باخبر ذرائع کے مطابق، اوپن اے آئی نے تاحال اس پیشکش پر غور نہیں کیا ہے۔ یہ آفر ایک سرمایہ کار کنسورشیم کی طرف سے دی گئی ہے، جس میں وی وائے کیپیٹل اور شائی (ایلون مسک کی اے آئی کمپنی) شامل ہیں۔ تاہم، اوپن اے آئی نے اپنی توجہ فنڈ ریزنگ کی کوششوں پر مرکوز رکھنے کا فیصلہ کیا ہے۔
