سام سنگ نے اپنے جدید اسمارٹ فون گلیکسی ایس 25 ایج کی ابتدائی جھلک گزشتہ ماہ منعقدہ ان پیک ایونٹ میں پیش کی، جس میں اس کے پتلے اور جدید ڈیزائن کو نمایاں کیا گیا۔
اسمارٹ گیجٹ کے حوالے سے مستند معلومات فراہم کرنے والے لیکسٹر آئس یونیورس نے تصدیق کی ہے کہ گلیکسی ایس 25 ایج کا وزن گلیکسی ایس 25 (162 گرام) سے بھی کم ہوگا، جو سام سنگ کے فلیگ شپ فونز میں ایک نمایاں تبدیلی ہے۔
مزید برآں، لیکس کے ایک اور معروف ذریعے میکس جیمبور کے مطابق، یہ نیا فون سال 2025 کی دوسری سہ ماہی میں لانچ کیا جائے گا، اور ممکنہ طور پر اپریل میں دستیاب ہوگا۔
یہ امر قابل ذکر ہے کہ سام سنگ نے آخری مرتبہ چھ سال قبل گلیکسی ایس 10 کے نام سے ایک ہلکا فلیگ شپ فون متعارف کرایا تھا، جس کا وزن محض 157 گرام تھا۔ اس کے بعد، اسمارٹ فونز کے سائز اور وزن میں بتدریج اضافہ ہوا، اور اب اوسط درجے کے اسمارٹ فونز بھی قدرے بھاری ہو چکے ہیں۔
سام سنگ کی اس نئی پیشکش سے اندازہ ہوتا ہے کہ کمپنی ایک بار پھر ہلکے اور زیادہ پورٹیبل فلیگ شپ ڈیوائسز کی جانب لوٹ رہی ہے، جو صارفین کے لیے ایک دلچسپ پیش رفت ہوگی۔
