لاہور۔متحدہ عرب امارات میں حال ہی میں ازدواجی بندھن میں بندھنے والی اداکارہ نیلم منیر نے شادی کے بعد دوبارہ شوبز انڈسٹری میں واپسی کا اعلان کر دیا ہے۔
نیلم منیر نے انسٹاگرام پر اپنی تازہ تصویر شیئر کرتے ہوئے شادی پر مبارک باد اور دعائیں دینے والوں کا شکریہ ادا کیا اور بتایا کہ وہ ایک نئی سوچ اور جذبے کے ساتھ دوبارہ کام کرنے کے لیے تیار ہیں۔
یاد رہے کہ شادی کی وجہ سے نیلم منیر نے کچھ عرصے کے لیے انڈسٹری سے عارضی کنارہ کشی اختیار کر لی تھی، لیکن اپنی حالیہ پوسٹ میں وہ اپنی واپسی کی تیاریوں کا اظہار کرتی نظر آئیں۔
انہوں نے اپنی پوسٹ میں لکھا، “میں شاندار وقت گزار کر واپس آ گئی ہوں اور اب کام کے لیے پرجوش ہوں۔”
نیلم منیر نے اعتراف کیا کہ اداکاری کے ذریعے انہیں بے پناہ محبت ملی ہے، اور وہ دوبارہ کام کرکے مداحوں کی محبت کو مزید بڑھانا چاہتی ہیں۔
اس کے ساتھ ہی انہوں نے اپنے مداحوں، عزیزوں، انڈسٹری کے ساتھیوں اور سوشل میڈیا انفلوئنسرز کا بھی سپورٹ کرنے پر دل کی گہرائیوں سے شکریہ ادا کیا۔
