نئی دہلی ۔بالی ووڈ کی سابقہ اداکارہ ثناء خان نے اپنے دوسرے بیٹے کی تصویر سوشل میڈیا پر شیئر کی۔
ثناء خان نے 6 جنوری 2025 کو اپنے دوسرے بیٹے کی پیدائش کی خوشخبری دی تھی۔ ان کے پہلے بیٹے کا نام پاکستان کے مشہور مبلغ مولانا طارق جمیل کے نام پر سید طارق جمیل رکھا گیا تھا۔
اپنے دوسرے بیٹے کی تصویر اور ایک اینیمیٹڈ ویڈیو انسٹاگرام پر شیئر کرتے ہوئے، ثناء خان نے اپنے دوسرے بیٹے کا نام بھی اپنے مداحوں سے شیئر کیا۔
انہوں نے اس کا نام سید حسن جمیل رکھا ہے۔ انسٹاگرام پوسٹ میں ثناء خان نے لکھا: “اے اللّٰہ، تمام تعریفیں تیرے لیے ہیں۔ ہمیں یہ توفیق دے کہ ہم اس نعمت کی بہترین تربیت کریں، اس کے ساتھ محبت اور انصاف کریں، اور اسے اپنے نیک بندوں میں شامل کر۔”
ثناء خان کے بیٹے کی تصاویر اور پوسٹ سوشل میڈیا پر کافی مقبول ہو رہی ہیں اور مداح ان کے لیے دعائیں اور نیک تمناؤں کا اظہار کر رہے ہیں۔
یاد رہے کہ ثناء خان نے اسلام کی خاطر شوبز کی دنیا کو چھوڑ کر اپنی زندگی کا آغاز مفتی انس کے ساتھ کیا، جن سے ان کے دو بیٹے ہیں۔
