واشنگٹن۔یہ اطلاعات سامنے آئی ہیں کہ سابق امریکی صدر بارک اوباما نے اپنی اہلیہ مشیل سے علیحدگی کا فیصلہ کر لیا ہے اور دونوں اس وقت ’’اچھے دوستوں‘‘ کی طرح ایک دوسرے کے ساتھ وقت گزار رہے ہیں۔
بین الاقوامی ذرائع کے مطابق مشہور اداکارہ جینیفر اینسٹن نے سابق امریکی صدر کے ساتھ رومانوی تعلقات کی افواہوں کو ہمیشہ مسترد کیا ہے۔
اس کے باوجود دونوں کے درمیان بڑھتی ہوئی قربتوں کی خبریں منظر عام پر آ رہی ہیں، جس کے باعث بارک اوباما اور مشیل کی 30 سالہ ازدواجی زندگی ایک ’’مشکل مرحلے‘‘ میں داخل ہو چکی ہے۔
اوباما اور مشیل کے قریبی ذرائع نے بتایا کہ اس بات میں کوئی شک نہیں کہ اوباما اس وقت ایک نازک دور سے گزر رہے ہیں اور جوڑے کے درمیان فاصلے بڑھتے جا رہے ہیں۔
انہوں نے مزید بتایا کہ جینیفر اینسٹن کے ساتھ تعلقات کی افواہیں مشیل کے لیے مایوسی کا باعث بنی ہیں اور اب ان کے تعلقات میں پہلے جیسی مضبوطی باقی نہیں رہی۔
یاد رہے کہ افریقی نژاد امریکی صدر کے جینیفر اینسٹن کے ساتھ تعلقات کی خبریں 2022 سے گردش کر رہی تھیں، تاہم یہ افواہیں اُس وقت دوبارہ زور پکڑ گئیں جب اوباما نے جمی کارٹر کی آخری رسومات میں اپنی اہلیہ کے بغیر شرکت کی۔
