ملتان۔پاکستان اور ویسٹ انڈیز کے درمیان ملتان میں جاری پہلے ٹیسٹ کے دوسرے روز قومی کرکٹ ٹیم پہلی اننگز میں 230 رنز پر آل آؤٹ ہوگئی۔ تاہم، گرین شرٹس نے بھرپور ردعمل دیتے ہوئے صرف ایک گھنٹہ 15 منٹ میں ویسٹ انڈیز کی 8 وکٹیں اُڑا دیں، اور پوری ٹیم 103 رنز پر ڈھیر ہوگئی۔ ساجد خان نے 4 اور نعمان علی نے 4 وکٹیں حاصل کیں۔
ویسٹ انڈیز کی ٹیم کی حالت اس قدر خراب تھی کہ آدھی ٹیم صرف 34 رنز پر آؤٹ ہو چکی تھی، جبکہ آٹھویں وکٹ 66 رنز کے اسکور پر گری۔
پاکستان کی جانب سے سعود شکیل نے 48 اور محمد رضوان نے 71 رنز اسکور کیے، دونوں نے پانچویں وکٹ پر 141 رنز کا اضافہ کیا۔ سعود اور رضوان کے آؤٹ ہونے کے بعد وکٹس کی لائن لگ گئی، اور سلمان آغا صرف 2 رنز بنا کر چلتے بنے، جبکہ ٹیل اینڈرز بھی زیادہ مزاحمت نہ کر سکے۔
ویسٹ انڈیز کی جانب سے سیلز اور واریکن نے تین تین وکٹیں حاصل کیں۔
