کراچی: تمام تعلیمی ادارے آج سے کھلیں گے

سندھ حکومت نے اعلان کیا ہے کہ تمام سرکاری اور نجی تعلیمی ادارے معمول کے مطابق کھلیں گے، اس کے باوجود کراچی میں جاری امن و امان کی صورتحال کے پیش نظر سوشل میڈیا پر کچھ افواہیں زیر گردش تھیں کہ تعلیمی اداروں کی تعطیلات میں توسیع کر دی جائے گی۔

صوبائی حکومت کے ترجمان نے اس بات کی وضاحت کی کہ سندھ بھر میں تمام تعلیمی ادارے یکم جنوری 2025 کو معمول کے مطابق کھلیں گے اور موسم سرما کی تعطیلات کے بعد تدریسی عمل شروع ہوگا۔

کراچی میں مذہبی جماعت کے دھرنوں اور احتجاج کی وجہ سے شہر میں بے یقینی کی صورتحال ہے، اور دھرنا دینے والی جماعت نے کریک ڈاؤن کے بعد دوبارہ مختلف مقامات پر احتجاج شروع کر دیا ہے۔