ایک نئی تحقیق میں یہ بات سامنے آئی ہے کہ فٹبال کھیلتے وقت گیند کو سر سے اچھالنا دماغ کو نقصان پہنچا سکتا ہے۔ مرد اور خواتین فٹ بال کھلاڑیوں کے ایم آر آئی دماغی اسکین سے یہ انکشاف ہوا ہے کہ اس عمل سے دماغ کے وہ حصے متاثر ہو سکتے ہیں جو پہلے ہی کمزور اعصابی روابط سے جڑے ہوتے ہیں، جیسے کہ دائمی تکلیف دہ انسیفالوپیتھی (سی ٹی ای)۔
کولمبیا یونیورسٹی ارونگ میڈیکل سنٹر کے ریڈیولوجی کے پروفیسر اور اس مطالعے کے سینئر مصنف ڈاکٹر مائیکل لپٹن نے کہا کہ کھیل کے دوران سر سے گیند مارنے کے اثرات ان نتائج سے کہیں زیادہ سنگین ہیں جو پہلے معلوم کیے گئے تھے۔ ان کے مطابق، یہ عمل دماغ پر منفی اثرات مرتب کرتا ہے اور اس حوالے سے تشویش بڑھ رہی ہے۔
ڈاکٹر لپٹن اور ان کی ٹیم اپنے نتائج اگلے ہفتے شکاگو میں ہونے والے “ریڈیالوجیکل سوسائٹی آف نارتھ امریکا” کے اجلاس میں پیش کریں گے۔
