بالی ووڈ کی مشہور دھوم سیریز کی نئی فلم “دھوم 4” میں اداکار رنبیر کپُور اہم کردار ادا کریں گے۔ بھارتی میڈیا کی رپورٹس کے مطابق، رنبیر کپُور اس فلم میں منفی کردار میں نظر آئیں گے، اور ان کی شوٹنگ 28 ستمبر، ان کی سالگرہ کے روز شروع ہوگی۔
دھوم سیریز کے مداحوں کے لیے ایک افسوسناک خبر یہ ہے کہ پچھلی تین فلموں کے مقبول کردار، ابھیشیک بچن اور اودے چوپڑہ، اس بار “دھوم 4” کی کاسٹ میں شامل نہیں ہیں۔ ابھیشیک بچن نے انسکپٹر جے جبکہ اودے چوپڑہ نے علی کا کردار نبھایا تھا۔
فلم کا اسکرپٹ آدیتیہ چوپڑہ اور وجے کرشنا اچاریہ نے مشترکہ طور پر لکھا ہے۔ رپورٹس کے مطابق، رنبیر کپُور نے کئی مواقع پر دھوم سیریز کی کاسٹ میں شامل ہونے کی خواہش کا اظہار کیا تھا، اور اس سلسلے میں ان کی فلم میکرز کے ساتھ طویل گفتگو جاری تھی۔ دھوم 4 کی ہیروئن اور دیگر تفصیلات ابھی تک جاری نہیں کی گئی ہیں۔
