بھارت کے معروف گلوکار و اداکار دلجیت دوسانجھ کے لائیو کنسرٹ میں ایک مداح نے اپنے مہنگے آئی فون کے ساتھ ایسا کام کیا کہ یہ واقعہ سوشل میڈیا پر وائرل ہوگیا۔
دلجیت دوسانجھ اس وقت اپنے دلومیناتی ٹور پر ہیں، جس کے تحت وہ دنیا بھر میں کنسرٹس کر رہے ہیں۔ حال ہی میں انہوں نے پیرس میں ایک میوزک کنسرٹ منعقد کیا، جس کی ایک ویڈیو نے خاصی توجہ حاصل کی۔
ویڈیو میں دیکھا جا سکتا ہے کہ جب دلجیت اپنی پرفارمنس میں مصروف تھے، تو اچانک ایک مداح نے سیلفی لینے کے لئے اپنا قیمتی فون اسٹیج پر پھینک دیا۔ دلجیت اس حرکت پر حیرت زدہ رہ گئے، اور جب انہوں نے دیکھا کہ فون ٹوٹ چکا ہے، تو انہوں نے مداح کے نقصان پر افسوس کا اظہار کیا۔
دلجیت نے غصے کے بجائے نرم لہجے میں مداح سے کہا، “پاجی! اپنا فون محفوظ رکھیں، میں آپ سے پیار کرتا ہوں، لیکن یہ اچھی بات نہیں ہے، وعدہ کریں کہ دوبارہ ایسا نہیں کریں گے۔”
پھر انہوں نے اپنے مداح کو اپنی جیکٹ دی، جس پر مداح خوشی سے جھوم اٹھا۔ دلجیت نے کہا کہ “دوبارہ کبھی کسی بھی فنکار کے ساتھ ایسا نہ کرنا، یہ اچھی بات نہیں ہے۔”
