لاہور۔پاکستان تحریک انصاف (پی ٹی آئی) نے 22 مارچ کو مینار پاکستان پر جلسے کی اجازت کے لیے لاہور ہائیکورٹ سے رجوع کیا ہے۔
پی ٹی آئی کے رہنما اکمل خان باری نے یہ درخواست لاہور ہائیکورٹ میں دائر کی، جس میں چیف سیکرٹری پنجاب، ڈپٹی کمشنر لاہور اور دیگر حکام کو فریق بنایا گیا ہے۔
درخواست میں پی ٹی آئی کا مؤقف ہے کہ وہ 22 مارچ کو لاہور مینار پاکستان پر شام 8 بجے سے رات 12 بجے تک جلسہ کرنا چاہتی ہے۔ ضلعی انتظامیہ کو اس حوالے سے درخواست دی گئی تھی لیکن انتظامیہ ابھی تک اس پر کوئی فیصلہ نہیں کر رہی۔ درخواست میں کہا گیا کہ جلسہ اور ریلی کرنے کا حق آئین پاکستان کے تحت دیا گیا ہے، اور پی ٹی آئی کو سیاسی انتقام کا نشانہ بنایا جا رہا ہے۔
درخواست میں استدعا کی گئی ہے کہ عدالت ڈپٹی کمشنر لاہور اور دیگر حکام کو درخواست پر فیصلہ کرنے کا حکم دے، اور 22 مارچ کو جلسہ کرنے کی اجازت دے۔
