اسلام آباد۔ریئل اسٹیٹ سیکٹر میں ٹیکس چوری کا معاملہ ، وفاقی حکومت ٹیکس چوری روکنے کے لیے متحرک ہوگئی ،حکومتی ذرائع کے مطابق ریئل اسٹیٹ سیکٹر کے لیے ریگولیٹری اتھارٹی بنانے کا فیصلہ کیا گیا ہے،پراپرٹی کی غلط مالیت ظاہر کرکے ٹیکس چوری کیا جاتا ہے ،اتھارٹی کو جائیداد کی غلط مالیت ظاہر کرنے پر سزااور جرمانہ کرنے کا اختیار دینے کی تجویز دی ہے،ریئل اسٹیٹ کاروربار کرنے والوں کو اتھارٹی میں رجسٹریشن کرانا ہو گی،عدم رجسٹریشن پر 50 ہزار سے 5 لاکھ روپے تک جرمانہ ہو گا،غلط بیانی پر اتھارٹی کو 3 سال تک قید کی سزا دینے کا اختیاربھی دینے کی تجویز دی گئی ہے،غلط معلومات پر ایجنٹ کا لائسنس منسوخ ، 2 سے 5 لاکھ روپے جرمانے ہو گا، ریگولیٹری اتھارٹی غلط پراپرٹی ٹرانسفر کرنے پر 5 سے 10 لاکھ روپے جرمانہ عائد کرسکتی ہے، اتھارٹی کو مطلوب دستاویز نہ ملنےپر 50 ہزار سے 2 لاکھ روپے تک جرمانہ عائد ہوسکے گا۔
