واشنگٹن۔بھارت کے یومِ جمہوریہ کے موقع پر واشنگٹن ڈی سی میں بھارتی سفارتخانے کے سامنے سکھ کمیونٹی کی جانب سے احتجاجی مظاہرہ کیا گیا۔
مظاہرین نے بھارت کے 76ویں ری پبلک ڈے کے موقع پر خالصتان کے حق میں نعرے بلند کیے اور خالصتانی پرچم اٹھائے۔ شرکاء کا کہنا تھا کہ بھارتی پنجاب کو خالصتان بنانے کے لیے دنیا بھر میں ریفرنڈم کا انعقاد کیا جا رہا ہے، اور وہ وقت قریب ہے جب سکھ اپنی علیحدہ ریاست حاصل کریں گے۔
اس موقع پر سکھ رہنما ڈاکٹر بخشش سنگھ نے بھارتی سفارتخانے کے باہر خطاب کرتے ہوئے وزیراعظم نریندر مودی کو سکھوں اور دیگر اقلیتوں کے حقوق پامال کرنے کا ذمہ دار قرار دیا اور سخت نعرے بازی کی۔
