کراچی: معروف اداکارہ نیلم منیر خان نے اپنی شادی کے بعد اپنے برائیڈل شاور کی دلکش تصاویر انسٹاگرام پر شیئر کرکے مداحوں کے دل جیت لیے۔
اداکارہ نے اپنے مداحوں کو اس یادگار لمحے کی جھلک دکھاتے ہوئے مختلف تھرو بیک تصاویر پوسٹ کیں، جن میں وہ خوشی سے جھومتی ہوئی نظر آئیں۔ ان تصاویر میں نیلم سمندر کے کنارے مسکراتی دکھائی دیں، اور کبھی پھولوں اور روشنیوں سے سجے خوبصورت مقام پر موجود تھیں۔ نیلم نے اس پوسٹ کے ساتھ لکھا: “صرف ایک یادگار رات میرے دوستوں کے ساتھ۔”
نیلم کے مداحوں نے ان تصاویر پر دل کھول کر تعریفی تبصرے کیے۔ ایک مداح نے لکھا: “بہت خوبصورت”، جبکہ دوسروں نے انہیں “فرشتہ” اور “خوبصورت” کے القابات سے نوازا۔
یاد رہے کہ نیلم منیر نے دبئی میں اپنے دیرینہ ساتھی کے ساتھ ایک شاندار تقریب میں شادی کی تھی، اور جوڑے نے پہلی بار دنیا کی سب سے اونچی عمارت برج خلیفہ کے سامنے تصاویر کھنچوائیں، جو تیزی سے وائرل ہو گئیں۔
اطلاعات کے مطابق نیلم کے شوہر ایک کامیاب بزنس مین ہیں، جو ٹریول اور ٹورازم کے کاروبار کے علاوہ کئی مشہور ریستورانوں کے مالک بھی ہیں۔
