ملتان۔وزیراعلیٰ پنجاب مریم نواز نے ملتان میں ایک تقریب سے خطاب کرتے ہوئے کہا کہ پاکستان تعلیمی میدان میں ترکی کے ساتھ شراکت داری چاہتا ہے۔ انہوں نے ترکی کے وفد کو خوش آمدید کہا اور ترکی کے تعلیمی تعاون کا شکریہ ادا کیا۔ مریم نواز نے دونوں ممالک کے تعلقات کو مزید مضبوط ہونے کا ذکر کیا اور کہا کہ رجب طیب اردوان پاکستان کے بہترین دوست ہیں۔
وزیراعلیٰ نے ملتان یونیورسٹی آف سائنس اینڈ ٹیکنالوجی کا دورہ کیا اور وہاں گرلز ہاسٹل کا سنگ بنیاد رکھا، جس میں 119 رہائشی کمروں کے علاوہ میس ہال، جمنیزیم، تفریحی لاؤنج اور 5 دفاتر بھی ہوں گے۔ انہوں نے یونیورسٹی کے مختلف شعبوں کا معائنہ کیا اور جدید گوگل کلاس رومز اور ڈیجیٹل لائبریری کا بھی وزٹ کیا۔
