لاہور۔پاکستان شوبز انڈسٹری کی خوبرو اداکارہ اور ماڈل رحمہ زمان رشتہ ازدواج میں منسلک ہوگئیں۔
رحمہ زمان انڈسٹری میں نسبتاً نئی اداکارہ ہیں۔ اس سے پہلے وہ قومی سطح کی ایتھلیٹ رہی ہیں، تاہم بعد میں انہوں نے اپنے کیریئر کو ماڈلنگ اور اداکاری کی طرف موڑ لیا اور اپنے منتخب کردہ پروجیکٹس کے آغاز سے ہی بڑی توجہ حاصل کی۔ ان کی اداکاری میں بے پناہ صلاحیتیں ہیں اور وہ شوبز انڈسٹری میں بہت اچھا کام کر رہی ہیں۔
رحمہ زمان نے اپنی ذاتی زندگی میں بھی ایک نیا باب شروع کیا ہے کیونکہ وہ حال ہی میں شادی کے بندھن میں بندھ چکی ہیں۔ اداکارہ نے انسٹاگرام پر اپنے نکاح کی مختلف تصاویر شیئر کی ہیں، جس میں وہ انتہائی خوبصورت نظر آ رہی تھیں۔
تاہم، ان کی شادی کس سے ہوئی ہے اس حوالے سے ابھی تک تفصیلات سامنے نہیں آئی ہیں۔
