شیخوپورہ۔بہاری کمیونٹی کے غازیوں کی طرف سے سانحہ سقوط ڈھاکہ کی یاد میں خصوصی تقریب کا اہتمام کیا گیا ،تقریب کا انعقاد شیخوپورہ کی بہاری کالونی میں کیا گیا۔تقریب کے آغاز میں شہدائے وطن کے لیے قرآن خوانی کی گئی۔ ملک کی بقا اور فلاح کی دعائیں کی گئیں۔
کوآرڈینیٹر شیخوپورہ ایسٹ پاکستان سول آرمڈ فورسز غازی محبوب عالم انصاری نے تقریب کی میزبانی کی۔ایسٹ پاکستان سول آرمڈ فورسز کے بہاری غازیوں نے اپنی جنگی تجربات اور مصائب سے آگاہ کیا۔ غازیوں نے میڈیکل کی سہولت ملنے پر آرمی چیف کا شکریہ ادا کیا
بہاری غازیوں نے وطن عزیز کی خاطر اپنی بے شمار اور بے مثال قربانیوں کا ذکر کیا۔ انڈین جیلوں میں ان کے ساتھ غیر انسانی سلوک ہوالیکن پھر بھی وہ ڈٹے رہے۔
ایسٹ پاکستان سول آرمڈ فورسز فاو¿نڈیشن پاکستان کے صدر شیخ محمد مقیم نے بطور مہمان خصوصی شرکت کی۔انہوں نے پاک فوج سے اپنی والہانہ محبت کا اظہار کیا۔افواج پاکستان نے 50 سال بعد بھی بہاری غازیوں کو گلے لگایا اور ہمیں پہچان دی۔پاکستان کے ساتھ وفا کی ہر قیمت ادا کی ہے اور ہماری نسلیں اس دھرتی پر قربان ہیں۔
