ریاض ۔ اوآئی سی نے اقوام متحدہ سے اسرائیل کو اشتعال انگیز پالیسیوں سے روکنے کا مطالبہ کیا ہے سعودی عرب کے شہر ریاض میں ہونیوالی عرب اسلامی سربراہی اجلاس کا اعلامیہ جاری کر دیا گیا ہے۔ ریاض شہر میں ہونیوالی عرب اسلامی سربراہی اجلاس کےجاری اعلامیہ میں کہا گیا ہے کہ اسرائیل کی غزہ کے شہریوں کو اجتماعی سزا دینے کی مذمت کی گئی ہےاسرائیل بھوک اور فاقہ کشی کو ہتھیار کے طور پر استعمال کررہا ہے۔
سعودیہ کے شہر ریاض میں ہونیوالی عرب اسلامی سربراہی اجلاس کے اعلامیہ میں مزید کہا گیا ہے کہ اقوام متحدہ اسرائیل کو اشتعال انگیز پالیسیوں سے روکنے کیلئے اقدامات کرے،اقوام متحدہ میں اسرائیلی رکنیت کو معطل کرنے کیلئے عالمی برادری کو آمادہ کیا جائے۔
