گوانگچو۔ پاکستان میں کھلونوں کی مصنوعات کی طلب میں اضافہ ہو گیا ،پاکستان اورچین کے درمیان کھلونوں کی صنعت کے وسیع امکانات ہیں اور فریقین نے اس میں تعاون کی خواہش کا اظہار کیا ہے۔
23 واں چین چنگھائی انٹرنیشنل کھلونا اور گفٹ میلہ 25 سے 27 اکتوبر تک شانتو انٹرنیشنل کنونشن اینڈ ایگزیبیشن سینٹر میں منعقد ہوگا، پاکستانی وفد شرکت کرے گا ۔
گوانگچو میں پاکستانی قونصلیٹ جنرل میں ٹریڈ اینڈ انویسٹمنٹ قونصلر محمد عمران کی زیر صدارت 23 ویں ٹوے ایکسپو کی آرگنائزنگ کمیٹی کی ڈپٹی ڈائریکٹر چنچھی جن ، پاکستان ٹوے ایسوسی ایشن کے صدر شہزاد اسلم، پاکستان توے ایسوسی ایشن کے سیکرٹری جنرل زاہد جاوید اور ٹیکنو گروپ کے سی ای او عامر علاوالا کے درمیان ویڈیو کانفرنس ہوئی۔
پاکستان اور چین کا سویپ ایبل بیٹریوں والی نئی الیکٹرک موٹر سائیکل کامعاہدہ
اس کانفرنس نے فریقین کے تعاون کے ارادوں کی مزید تصدیق کی اور مستقبل کے ترقیاتی اہداف کا جائزہ لیا، جس کے بعد گزشتہ ماہ کے آخر میں شانتو چینگائی اور پاکستان کی کھلو نوں کی صنعتوں کے درمیان تعاون اور تبادلوں کو گہرا کرنے پر توجہ مرکوز کی گئی۔
کانفرنس کے دوران قونصلر محمد عمران نے کہا کہ 240 ملین سے زائد آبادی (دنیا میں پانچویں نمبر پر)کے ساتھ پاکستان کی 54 فیصد آبادی 30 سال سے کم عمر کی ہے، جس کی وجہ سے کھلونا مصنوعات کی بڑھتی ہوئی طلب میں اضافہ ہوتا ہے اور بے پناہ امکانات والی مارکیٹ کی نشاندہی ہوتی ہے۔
گوانگ چو میں پاکستان کے قونصلیٹ جنرل کا مقصد شانتو چینگائی اور پاکستان ٹوے ایسوسی ایشن کے درمیان شراکت داری کو فروغ دینا ہے تاکہ پاکستانی مارکیٹ میں زیادہ سے زیادہ اعلی معیار کے چینی کھلونوں کے داخلے کو آسان بنایا جاسکے۔
