لاہور—پاکستان کے 78 ویں یوم آزادی کے موقع پر پاکستانی قوم جہاں جشن منا رہی ہے، وہیں شوبز کی دنیا میں بھی منفرد انداز میں جشن آزادی منایا جا رہا ہے۔
معروف گلوکارہ آئمہ بیگ نے انسٹاگرام پر اپنی تصویر شیئر کرتے ہوئے لکھا: “جشن آزادی مبارک۔
اداکارہ صبا فیصل نے بھی انسٹاگرام اسٹوری پر اپنی تصویر شیئر کی، جس میں وہ دہی بلے کھاتی نظر آ رہی ہیں اور جشن آزادی کو خاص انداز میں مناتی دکھائی دے رہی ہیں۔
مومنہ اقبال نے سبز رنگ کا لباس پہنا اور قومی پرچم کے پس منظر میں اپنی تصویر شیئر کی۔ دلچسپ بات یہ ہے کہ اداکارہ نے یہ تصویر اے آئی سے تیار کروائی تھی۔
ماہرہ خان نے جشن آزادی کے موقع پر ایک پوسٹ میں سست انٹرنیٹ کی حالت پر اظہار خیال کیا۔ اداکارہ نے کہا کہ “پے پال کی درخواست سے لے کر انٹرنیٹ کی خرابی تک، ہم پتھر کے دور کی طرف بڑھ رہے ہیں۔ انٹرنیٹ اتنی مشکل سے کام کر رہا ہے کہ وائس نوٹس ڈاو¿ن لوڈ نہیں ہو رہے، تصاویر بھی لوڈ نہیں ہو رہیں، فیس بک رینگ رہا ہے، فائیور پر فری لانسرز کے اکاونٹس معطل ہو رہے ہیں، اور ہم 14 اگست اس طرح منا رہے ہیں؟
اداکارہ رابعہ بٹ نے انسٹاگرام پر پاکستانی جھنڈا شیئر کرتے ہوئے لکھا: “اس ملک کے باسی جیسے بھی ہوں، محبت بے پناہ ہے، کیونکہ تجھے ماں بولتے ہیں۔ ماں کی اولاد جیسی بھی ہو، ماں کا پیار بے مثال ہوتا ہے۔ ماں نے جگہ دی، پناہ دی، تجھے سلام، پاکستان زندہ باد۔”
