بھارتی شوبز انڈسٹری کی معروف اداکارہ و ماڈل گوہر خان اور ان کے شوہر، معروف سوشل میڈیا اسٹار زید دربار، نے دوسرے بچے کی متوقع آمد کی خوشی مداحوں کے ساتھ بانٹ لی ہے۔
اس جوڑے نے انسٹاگرام پر ایک دلکش ویڈیو شیئر کی جس میں وہ ایک انگریزی نغمے پر خوش مزاجی سے لپ سنگ کرتے اور جھومتے دکھائی دیے۔ اس ویڈیو کے ذریعے انہوں نے یہ اطلاع دی کہ ان کے ہاں جلد ایک اور بچے کی آمد متوقع ہے۔
انسٹاگرام پر پوسٹ کی گئی اس ویڈیو کے کیپشن میں انہوں نے “بسم اللہ” لکھا اور مداحوں سے نیک تمناؤں اور دعاؤں کی درخواست کی۔
اس پرمسرت اعلان کے بعد نہ صرف مداحوں بلکہ فلمی اور سوشل میڈیا حلقوں سے وابستہ شخصیات نے بھی جوڑے کو بھرپور مبارکباد دی اور ان کے لیے نیک خواہشات کا اظہار کیا۔
یاد رہے کہ گوہر خان نے ریئلٹی شو بگ باس سیزن 7 میں شاندار کامیابی حاصل کرتے ہوئے فاتح کا اعزاز حاصل کیا تھا، جبکہ زید دربار کے ساتھ ان کی شادی 2020 میں ہوئی۔ اس جوڑے نے 2023 میں اپنے پہلے بیٹے کا استقبال کیا تھا۔
