مشہور شخصیت عرفی جاوید نے اپنے منفرد اور عجیب و غریب لباس سے توجہ حاصل کرنے کے بعد ایک فوٹوگرافر کو دیکھ کر حیرانی کے عالم میں اپنا چہرہ چھپا لیا۔
سوشل میڈیا پر وائرل ہونے والی ویڈیوز میں دکھایا گیا ہے کہ یہ واقعہ ایک ایئرپورٹ کے باہر پیش آیا۔ عرفی جاوید ایئرپورٹ سے باہر نکلیں اور اس وقت انہیں فوٹوگرافرز کے بارے میں علم نہیں تھا۔ انہوں نے ایک کیپ اور چشمہ پہنا ہوا تھا۔
عرفی جاوید نے اس روز ایک غیر متوقع طور پر آرام دہ لباس پہنا تھا، جس میں ڈھیلی ٹی شرٹ اور جینز کی جیکٹ شامل تھی۔
لیکن جیسے ہی ان کی نظر فوٹوگرافرز پر پڑی، اس سے پہلے کہ کیمرے کی نظر ان پر پڑتی، انھوں نے فوراً اپنا چہرہ چھپا لیا۔
فوٹوگرافرز نے ان کا پیچھا نہیں چھوڑا اور عرفی جاوید کو گاڑی میں بیٹھتے ہوئے بھی تصاویر لینے کی کوشش کرتے رہے۔
اگرچہ یہ واضح نہیں کہ عرفی جاوید نے تصاویر بنوانے سے کیوں انکار کیا، لیکن کہا جا رہا ہے کہ ان کا میک اپ نہ ہونے کی وجہ سے وہ فوٹوگرافرز کے سامنے آنا نہیں چاہتی تھیں۔
