کراچی: پاکستان اسٹاک ایکسچینج میں آج ریکارڈ سطح کی تیزی دیکھنے کو ملی، جس دوران انڈیکس نے نئی بلند ترین سطح کو چھو لیا۔
کاروباری ہفتے کے آخری دن حصص کی مارکیٹ میں زبردست تیزی کا رجحان جاری رہا۔ جمعہ کے روز مارکیٹ کا آغاز 1847.15 پوائنٹس کے اضافے کے ساتھ 120785.26 پوائنٹس پر ہوا۔
اس کے بعد، پاکستان اسٹاک ایکسچینج میں کے ایس ای 100 انڈیکس میں 1344.41 پوائنٹس کا اضافہ ہوا اور یہ 120282.52 پوائنٹس کی سطح تک پہنچ گیا، جو اسٹاک ایکسچینج کی نئی بلند ترین سطح تھی۔
تاہم بعد ازاں منافعے کے حصول کے لیے فروخت کا رجحان بڑھا، جس کے باعث کے ایس ای 100 انڈیکس ایک لاکھ 20 ہزار پوائنٹس کی سطح برقرار نہ رکھ سکا اور 1039 پوائنٹس تک محدود ہو کر انڈیکس 119977 پوائنٹس تک پہنچ گیا۔
یہ بات قابل ذکر ہے کہ ملک میں عیدالفطر کی تعطیلات کے بعد امریکی صدر کی جانب سے 180 ممالک پر جوابی ٹیرف عائد کرنے کے باوجود، جمعرات کے روز پی ایس ایکس میں 100 انڈیکس نے نئی بلند ترین سطح کو چھو لیا تھا۔
