مشہور جنوبی بھارتی اداکارہ ورلکشمی سرتکمار نے بچپن میں جنسی ہراسانی کا شکار ہونے کا انکشاف کیا ہے۔
تامل اور تیلگو فلموں کی معروف اداکارہ ورلکشمی سرتکمار نے حالیہ دنوں میں ایک شو کے دوران بتایا کہ انہیں بچپن میں جنسی ہراسانی کا سامنا کرنا پڑا تھا۔ اس شو میں ایک امیدوار نے اپنے خاندان کے افراد کی جانب سے ہراسانی کا ذکر کیا جس پر ورلکشمی جذباتی ہوگئیں اور اپنی ذاتی کہانی شیئر کی۔
ورلکشمی نے کہا، “میں بھی آپ کی طرح ہوں۔ جب میرے والدین کام پر جاتے تھے تو میں دوسروں کی نگرانی میں ہوتی تھی۔ اسی دوران پانچ یا چھ افراد نے میرا استحصال کیا اور مجھے ہراساں کیا۔ میری کہانی بھی آپ جیسی ہی ہے۔”
اداکارہ نے والدین کو مشورہ دیا کہ وہ اپنے بچوں کو “اچھے اور برے ٹچ” کے بارے میں آگاہ کریں تاکہ وہ اس طرح کے تجربات سے محفوظ رہیں۔
یاد رہے کہ ورلکشمی سرتکمار معروف جنوبی بھارتی اداکار شرت کمار اور ان کی پہلی بیوی چایا دیوی کی بیٹی ہیں۔ وہ اداکارہ رادھیکا کی سوتیلی بیٹی بھی ہیں۔ ورلکشمی سرتکمار نے 3 جولائی 2024 کو ممبئی کے گیلریسٹ نکولائی سچدیف سے شادی کی۔
