اسلام آباد۔بین الاقوامی مالیاتی فنڈ (آئی ایم ایف) نے جائیداد کی خرید و فروخت پر ٹیکس میں کمی کی درخواست مسترد کر دی۔
ذرائع کے مطابق، مارچ 2025ء کے اہداف میں کسی قسم کی نرمی پر بھی اتفاق نہیں ہو سکا، جبکہ ٹیکس میں کمی سے متعلق کوئی معاہدہ طے نہیں پایا۔
ایف بی آر کی جانب سے ودہولڈنگ ٹیکس میں 2 فیصد کمی کی درخواست بھی مسترد کر دی گئی، جبکہ تمباکو اور مشروبات پر ٹیکس میں نرمی دینے سے انکار کر دیا گیا۔
اسٹاف لیول معاہدے کے لیے پاکستان کو مزید یقین دہانیاں فراہم کرنا ہوں گی، اور اس کے ساتھ ساتھ صوبوں کو گندم کی خریداری میں مداخلت سے روکنے کی شرط بھی عائد کی گئی ہے۔
تاہم، آئی ایم ایف نے کلائمیٹ فنانس کو فنڈ سہولت میں شامل کرنے پر آمادگی ظاہر کر دی ہے اور ریزیلینس اینڈ سسٹینیبلیٹی فیسلٹی کے تحت کلائمیٹ فنانس کی پیشکش کی جائے گی۔
