لاہور۔قومی کرکٹ ٹیم کے فاسٹ بولر حارث رؤف کے ہاں بیٹے کی پیدائش ہوئی ہے۔
یہ خبر اس وقت منظرعام پر آئی جب حارث رؤف کے ساتھی کرکٹرز نے انہیں سوشل میڈیا پر مبارکباد دی۔
قومی ٹیم کے فاسٹ بولر شاہین شاہ آفریدی نے سماجی رابطے کی سائٹ ایکس پر ٹوئٹ کرتے ہوئے حارث رؤف کو بیٹے کی پیدائش پر خوشی کا اظہار کیا اور نیک خواہشات پیش کیں۔
قومی آل راؤنڈر شاداب خان نے بھی انسٹاگرام اسٹوری پر حارث رؤف کو مبارکباد دی۔
کرکٹرز کی جانب سے حارث رؤف کو مبارکباد کے پیغامات مل رہے ہیں، تاہم حارث رؤف نے ابھی تک اس حوالے سے کوئی بیان نہیں دیا۔
یاد رہے کہ حارث رؤف نے 24 دسمبر 2022 کو اپنی ہم جماعت مزنا مسعود ملک سے نکاح کیا تھا، جبکہ رخصتی اور ولیمہ جولائی 2023 میں منعقد ہوئے تھے۔
