اسلام آباد ۔عالمی بینک نے پاکستان کی معیشت میں استحکام کے اعتراف میں 20 ارب ڈالر کے ترقیاتی قرضے پر مشتمل ایک 10 سالہ معاہدہ کرنے کا اعلان کیا ہے، جسے کنٹری پارٹنرشپ فریم ورک (سی پی ایف) کہا جائے گا۔ عالمی بینک کے کنٹری ڈائریکٹر ناجی بن ہیسن نے اس حوالے سے ایک بیان میں کہا کہ پاکستان میں معاشی استحکام مضبوط ہو رہا ہے، اور اسی بنیاد پر عالمی بینک نے پاکستان کے ساتھ اپنی شراکت داری کو مزید مستحکم کرنے کا فیصلہ کیا ہے۔
انہوں نے مزید بتایا کہ کنٹری پارٹنرشپ فریم ورک 2026 سے شروع ہوگا اور یہ پاکستان کی ترقی کے لیے ایک اہم سنگ میل ثابت ہوگا۔ اس پروگرام کے تحت فراہم کیے جانے والے 20 ارب ڈالر کی فنڈنگ کا مقصد صاف توانائی، ماحولیاتی بحالی اور دیگر ترقیاتی منصوبوں میں استعمال کیا جائے گا۔
عالمی بینک کے مطابق، یہ فریم ورک نہ صرف پاکستان میں طویل المدتی ترقیاتی منصوبوں کو فروغ دے گا بلکہ اقتصادی استحکام کے ساتھ نئی امیدوں کا آغاز بھی کرے گا۔ اس معاہدے سے پاکستان کو اپنے ترقیاتی اہداف کے حصول میں اہم معاونت ملے گی، اور اقتصادی ترقی کے نئے دروازے کھلیں گے۔
