شاہ رخ خان، سلمان خان اور اکشے کمار جیسے بالی ووڈ سپر اسٹارز کو دنیا ان کے فلمی ناموں سے جانتی ہے، لیکن شاید بہت کم لوگ ان کے اصل ناموں سے واقف ہوں گے۔
اکشے کمار: راجیو ہری اوم بھاٹیہ سے اکشے کمار تک
اکشے کمار نے جب فلمی دنیا میں قدم رکھا تو انہیں مشورہ دیا گیا کہ وہ ایک ایسا نام اختیار کریں جو زیادہ پُرکشش اور یادگار ہو۔ اس مشورے پر عمل کرتے ہوئے انہوں نے راجیو ہری اوم بھاٹیہ سے اپنا نام بدل کر اکشے کمار رکھ لیا، جو آج ان کی شناخت بن چکا ہے۔
شاہ رخ اور سلمان خان کا ایک ہی اصل نام!
دلچسپ بات یہ ہے کہ بالی ووڈ کے دو بڑے اداکاروں شاہ رخ خان اور سلمان خان کا حقیقی نام ایک جیسا ہے۔
شاہ رخ خان کا اصل نام عبدالرشید ہے۔
سلمان خان کا برتھ سرٹیفکیٹ پر درج نام عبدالرشید سلیم خان ہے۔
یہ حقیقت زیادہ تر لوگوں کے لیے حیران کن ہو سکتی ہے، کیونکہ مداح انہیں ہمیشہ شاہ رخ اور سلمان کے نام سے جانتے ہیں۔
اداکاراؤں نے بھی بدلے اپنے نام
یہ صرف مرد اداکار ہی نہیں، بلکہ کئی مشہور اداکاراؤں نے بھی فلمی دنیا میں اپنی الگ پہچان بنانے کے لیے اپنے اصل نام تبدیل کیے۔
کیارا اڈوانی دراصل عالیہ اڈوانی تھیں، لیکن چونکہ عالیہ بھٹ پہلے ہی انڈسٹری میں موجود تھیں، اس لیے انہوں نے اپنا نام کیارا اڈوانی رکھ لیا۔ وہ خود کئی انٹرویوز میں یہ انکشاف کر چکی ہیں۔
بالی ووڈ میں نام بدلنے کا رجحان نیا نہیں ہے، بلکہ یہ کئی دہائیوں سے جاری ہے۔ اسٹارز کے ناموں میں یہ تبدیلی اکثر یادگار شناخت بنانے، قسمت آزمانے یا انڈسٹری میں پہلے سے موجود ہم نام اداکاروں سے منفرد رہنے کے لیے کی جاتی ہے۔
