اسلام آباد۔ابو ظہبی کے ولی عہد شیخ خالد بن محمد بن زاید النہیان کل ایک روزہ دورے پر پاکستان آئیں گے۔
اس دورے کے دوران، ولی عہد پاکستان کی سیاسی قیادت سے ملاقاتیں کریں گے اور اہم معاہدوں پر دستخط متوقع ہیں۔ ولی عہد صدر آصف علی زرداری اور وزیر اعظم شہباز شریف سے بھی ملاقات کریں گے۔
صدر آصف علی زرداری ولی عہد کو پاکستان کے اعلیٰ ترین اعزاز “نشان پاکستان” سے نوازیں گے۔ ایوان صدر میں اس تقریب میں وزیر اعظم شہباز شریف اور آرمی چیف جنرل عاصم منیر بھی شریک ہوں گے۔
ولی عہد کا خصوصی طیارہ چکلالہ ایئربیس پر لینڈ کرے گا، جہاں ان کے استقبال کے لیے خصوصی انتظامات کیے جا رہے ہیں۔
یہ دورہ پاکستان اور متحدہ عرب امارات کے درمیان تعلقات کو مزید مستحکم کرنے اور دوطرفہ تعاون کو فروغ دینے کے لیے نہایت اہم تصور کیا جا رہا ہے۔
