سابق آسٹریلوی کپتان مائیکل کلارک نے پاکستان کی بھارت کے خلاف شکست پر تبصرہ کرتے ہوئے کہا ہے کہ کچھ پاکستانی کھلاڑی بھارت کو ہرانے کی کوشش کرنے کے بجائے آؤٹ ہونے کے ڈر سے آؤٹ ہوئے۔
“پاکستان پریشر برداشت نہیں کر سکا”
ایک پوڈکاسٹ میں گفتگو کے دوران مائیکل کلارک نے کہا:
“ہم نے میچ شروع ہونے سے پہلے ہی اندازہ لگا لیا تھا کہ پاکستان کو اپنے ہوم گراؤنڈ پر اتنے بڑے ایونٹ اور توقعات کے دباؤ کو برداشت کرنے میں مشکلات ہوں گی۔”
انہوں نے مزید کہا کہ پاکستان نے ٹیم میں صرف ایک تبدیلی کی، وہ بھی فخر زمان کی انجری کے باعث، جبکہ کنڈیشنز دبئی سے بالکل مختلف تھیں۔
“کھلاڑیوں کے شاٹ سلیکشن حیران کن تھے”
مائیکل کلارک نے پاکستان کی بیٹنگ پر تنقید کرتے ہوئے کہا کہ:
“میں یقین نہیں کر سکا کہ میں کیا دیکھ رہا ہوں! پاکستان نے ٹاس جیت کر بیٹنگ کا فیصلہ کیا، لیکن ان کے شاٹ سلیکشن حیران کن تھے۔ کچھ کھلاڑیوں نے انڈیا کو ہرانے کی کوشش نہیں کی بلکہ آؤٹ ہونے کے خوف میں وکٹیں گنوا دیں۔”
“پہلی اننگز کے بعد ہی میچ ختم ہو چکا تھا”
انہوں نے کہا کہ:
“پاکستان نے پہلی اننگز میں اتنے رنز ہی نہیں بنائے کہ وہ بھارت کو چیلنج دے سکتے۔ انڈیا کے بیٹنگ کے لیے آنے سے پہلے ہی میچ ختم ہو چکا تھا۔”
مائیکل کلارک کی اس تنقید کے بعد پاکستانی شائقین کرکٹ میں بحث چھڑ گئی ہے کہ آیا پاکستان ٹیم دباؤ میں آ کر کھیل رہی ہے یا پھر بھارت کے خلاف میچز میں کوئی حکمت عملی کی کمی ہے۔
