بالی ووڈ کے سپر اسٹار عامر خان نے حیران کن انکشاف کیا ہے کہ وہ گزشتہ 20 برسوں سے فلموں کے لیے کوئی معاوضہ نہیں لیتے۔
ایک حالیہ انٹرویو میں عامر خان نے بتایا کہ وہ ایک منفرد مالی ماڈل کے تحت کام کرتے ہیں، جس میں ان کا منافع فلم کی کامیابی سے مشروط ہوتا ہے۔
اداکار نے وضاحت کی:
“اگر فلم کامیاب ہوتی ہے اور ناظرین کو پسند آتی ہے، تو میں اپنی کمائی کرتا ہوں، لیکن اگر فلم ناکام ہو جائے، تو میں بھی نقصان برداشت کرتا ہوں۔”
یعنی، عامر خان فلم کی مجموعی کمائی کا کچھ فیصد حصہ حاصل کرتے ہیں، بجائے اس کے کہ پہلے سے طے شدہ فیس مقرر کریں۔
یہ ماڈل ماضی میں بھی کئی بڑے اسٹارز نے اپنایا ہے، جن میں شاہ رخ خان بھی شامل ہیں۔ انہوں نے اپنی بلاک بسٹر فلم پٹھان اور دیگر فلموں سے اسی طریقے کے ذریعے کل کمائی کا 50 فیصد سے زائد حصہ حاصل کیا تھا، جو ایک معمولی فیس کے مقابلے میں کہیں زیادہ منافع بخش ثابت ہوا۔
فلمی ناکامیوں کا اثر
حال ہی میں، عامر خان نے فلمی ناکامیوں سے ڈپریشن میں جانے کا بھی اعتراف کیا۔
ساتھی اداکارہ کرینہ کپور کے مطابق، جب لال سنگھ چڈھا باکس آفس پر ناکام ہوئی، تو عامر خان ذہنی طور پر بکھر گئے تھے۔
نئی فلم ستارے زمین پر
عامر خان جلد ہی اپنی نئی فلم ’ستارے زمین پر‘ میں نظر آئیں گے، جو ان کی 2007 کی سپر ہٹ فلم ’تارے زمین پر‘ کا سیکوئل ہوگی۔
مداح بے صبری سے ان کی واپسی کا انتظار کر رہے ہیں!
