اسلام آباد۔پیٹرولیم مصنوعات کی قیمتوں میں وسط فروری سے نمایاں کمی کا امکان ہے، انڈسٹری نے اس حوالے سے اپنی ورکنگ اوگرا کو ارسال کر دی۔
عالمی منڈی میں خام تیل کی قیمتوں میں کمی کے پیش نظر پیٹرولیم مصنوعات کی قیمتوں میں کمی متوقع ہے۔
انڈسٹری کی جانب سے فراہم کردہ ورکنگ کے مطابق، ہائی اسپیڈ ڈیزل کی قیمت میں 9 روپے 11 پیسے تک اور پیٹرول کی فی لیٹر قیمت میں تقریباً 2.5 روپے کمی کا امکان ہے۔
اسی طرح، مٹی کے تیل کی قیمت میں 3 روپے 45 پیسے اور لائٹ ڈیزل کی قیمت میں 5 روپے 60 پیسے تک کمی متوقع ہے۔
اوگرا عالمی مارکیٹ کے مطابق حتمی ورکنگ 15 فروری کو حکومت کو ارسال کرے گا، جبکہ وزیر اعظم شہباز شریف قیمتوں میں رد و بدل کی حتمی منظوری دیں گے۔
وزارت خزانہ آئندہ پندرہ روز کے لیے قیمتوں کا باضابطہ نوٹیفکیشن جاری کرے گی۔
