ایک نئی تحقیق میں انکشاف ہوا ہے کہ 2032 میں زمین کے ایک سیارچے سے ٹکرانے کے امکانات پہلے کے مقابلے میں دُگنے ہوگئے ہیں۔
سائنس دانوں کے مطابق، 22 دسمبر 2032 کو زمین اور گزشتہ برس دریافت ہونے والے سیارچے 2024 YR کے درمیان ممکنہ تصادم متوقع ہے۔
تقریباً 90 میٹر قطر والے اس سیارچے کے زمین سے ٹکرانے کے امکانات ابتدائی طور پر 1 فیصد تھے، لیکن حالیہ مشاہدات کے مطابق یہ بڑھ کر 2.3 فیصد ہو گئے ہیں۔
امریکی خلائی ادارے ناسا کا کہنا ہے کہ وہ اس سیارچے کا مسلسل مشاہدہ کر رہا ہے، اور جیسے جیسے اس کے مدار کے بارے میں مزید تفصیلات سامنے آئیں گی، تصادم کے امکانات کا ازسرِ نو جائزہ لیا جائے گا۔
