اسلام آباد ۔پاکستان پیپلز پارٹی کے چیئرمین بلاول بھٹو زرداری اور وزیر دفاع خواجہ آصف کو ہائی پاور سیلیکشن بورڈ کے ممبر کے طور پر تعینات کر دیا گیا ہے۔ یہ بورڈ گریڈ 21 اور 22 کے افسران کی تعیناتی اور ترقی کے فیصلے کرتا ہے۔
یہ پہلی بار ہے کہ ہائی پاور سیلیکشن بورڈ میں سیاسی شخصیات کو شامل کیا گیا ہے، جو ایک غیر معمولی پیش رفت ہے۔ بورڈ کے دیگر ممبران میں وزیر اعظم، سیکرٹری کابینہ، سیکرٹری اسٹیبلشمنٹ، پرنسپل سیکرٹری، اور متعلقہ وزارت کا سیکرٹری شامل ہیں۔
بلاول بھٹو زرداری اور خواجہ آصف کی تعیناتی کا باضابطہ گزٹ نوٹیفکیشن بھی جاری کر دیا گیا ہے، جس کے بعد ان کی شمولیت بورڈ کے فیصلوں میں اہم کردار ادا کرے گی۔
یہ تعیناتی حکومت کے اعلیٰ سطحی فیصلوں میں سیاسی قیادت کی شمولیت کو مزید نمایاں کرتی ہے اور مختلف حلقوں میں اس پر تبصرے جاری ہیں۔
