دبئی ۔اماراتی کرکٹ بورڈ کے زیر اہتمام جاری انٹرنیشنل لیگ (آئی ایل) ٹی 20 میں قومی کرکٹر فخر زمان کی شاندار کارکردگی کی بدولت ڈیزرٹ وائپرز نے ایم آئی امارات کو ایک دلچسپ مقابلے کے بعد 5 وکٹوں سے شکست دی۔
ایم آئی امارات نے پہلے بیٹنگ کرتے ہوئے 20 اوورز میں 6 وکٹوں کے نقصان پر 159 رنز بنائے۔
جواب میں ڈیزرٹ وائپرز نے ہدف 19.1 اوورز میں 5 وکٹوں کے نقصان پر حاصل کرتے ہوئے فتح حاصل کی۔
ڈیزرٹ وائپرز کی جانب سے فخر زمان نے زبردست 67 رنز کی اننگز کھیل کر ٹیم کی جیت میں کلیدی کردار ادا کیا۔
فخر زمان نے اپنی اننگز کے دوران 52 گیندوں پر 5 چوکے اور 4 چھکوں کی مدد سے 67 رنز بنائے۔
شاندار کھیل کے باعث فخر زمان کو میچ کا بہترین کھلاڑی قرار دیا گیا۔
