آئی پی ایل 2025 کی نیلامی جدہ میں، رشبھ پنت سب سے مہنگے کھلاڑی

سعودی عرب کے شہر جدہ میں انڈین پریمیئر لیگ (آئی پی ایل) 2025 ایڈیشن کے لیے کھلاڑیوں کی نیلامی جاری ہے۔

آئی پی ایل 2025 کی نیلامی کے پہلے دن، ایونٹ شروع ہونے کے ایک گھنٹے کے اندر ہی 110 کروڑ بھارتی روپے خرچ ہوگئے اور تمام فرنچائزز نے اپنے پسندیدہ کھلاڑیوں پر بولیاں لگائیں۔

اس نیلامی میں بھارت کے وکٹ کیپر بلے باز رشبھ پنت سب سے مہنگے کھلاڑی بنے، جنہیں 27 کروڑ بھارتی روپے میں لکھنو سپر جائنٹس نے خریدا۔

کولکتہ نائٹ رائیڈرز کے سابق کپتان شریاس ائیر کو پنجاب کنگز نے 26.75 کروڑ بھارتی روپے میں حاصل کیا۔

انگلینڈ کے جوس بٹلر 15.75 کروڑ بھارتی روپے میں فروخت ہوئے، جنہیں گجرات ٹائٹنز نے خریدا، جب کہ گزشتہ سیزن میں وہ راجستھان رائلز کا حصہ تھے۔

بھارتی فاسٹ بولر ارشدیپ سنگھ کو پنجاب کنگز نے 18 کروڑ بھارتی روپے میں خریدا، جب کہ جنوبی افریقا کے فاسٹ باؤلر کاگیسو ربادا کو گجرات ٹائٹنز نے 10.75 کروڑ بھارتی روپے کی بولی لگا کر اپنی ٹیم میں شامل کیا۔

آسٹریلیا کے گلین میکسویل 4.20 کروڑ بھارتی روپے میں پنجاب کنگز کا حصہ بنے، جب کہ مچل اسٹارک کو 11.75 کروڑ بھارتی روپے میں دہلی کیپیٹلز نے خرید لیا۔

واضح رہے کہ آئی پی ایل 2025 کی میگا نیلامی 24 اور 25 نومبر کو سعودی عرب کے شہر جدہ میں منعقد کی جارہی ہے۔